අසිරිමත් මල් පුජාව : මහාචාර්ය උතුරාවල ධම්මරතන ස්ථවිර - බුද්ධ ධර්මය, එහි පිහිටා කටයුතු කිරීම හා මල් පුජාව

පිටු 24ක් පමණ ඉතාම කුඩා කෘතියක් වන මෙය මගින් බුද්ධ ධර්මය හා බුදුන් වන්දනාවේ එන මල් පුජාව පිලිබඳ සරල මෙන්ම ඉතාමත් ඉහළ දැනුමෙන් හා බෞද්ධ සංකල්පීය වශයෙන් පෝෂිත විවරණයක් ලබා දෙයි.

මෙම කුඩා ලේඛණයේදී බුදු සමයේ සිදිවු ප්‍රථම මල් පුජාව ගැනත් ඒ හරහා බුදුන් දේශනා කළ 'දස කුසල්' හා 'දස අකුසල්' පිළිබඳව සරල නිරවචනයක් ලබා දේ.

තවද සුත්‍ර පිටකයේ, ඛුද්දක නිකායට අයත්, ධම්මපදය නම් ග්‍රන්ථයේ බාල වග්ගයේ එන 9 වන ගාථාවද විශ්ලේෂණය කර තිබීම අදාළ බුදු සිරිතේ අවස්ථා භාවිතයේ සත්‍යතාව තවත් තහවුරු කරයි.

එහිදී එම 'දස කුසල්' හා 'දස අකුසල්' වල විවරණය, බුදුන් වහන්සේ විසින් තම ශ්‍රාවකයන්ට  සිදු කරන්නේ, තමා (යම් පුද්ගලයෙක්) විසින් සිදු කරන සැම කාර්යයක්ම නිවැරදි දෘෂ්ටිය, චින්තනය තුලින් ක්‍රියාවට නැංවීම හෙවත් එය කිරීම නිසා ඔබට පසුතැවීමට සිදුනොවේද, ඔබ එවැනි ක්‍රියා කිරීම මෙලොව මෙන්ම පරලොව ජීවිතයට ද යහපත් බවයි.

මෙසේ අවසන් වන මෙම කුඩා පොත තුළ කුඩා අඩුවක් දක්නට ලැබේ. 

එනම් ශ්‍රී ලංකාවේ සැම බෞද්ධයකු විසින්ම සිදු කරන මුලික බෞද්ධ වන්දනා වලදී යොදාගන්නා පාලි බසින් සකස් වූ ගාථා දෙකක් මෙහි විවරණයට හෝ විශ්ලේෂණයට කතුවර ස්වාමින් වහන්සේ පොත තුලට නොගෙන ඒමයි.

එමනිසා එම ගාථා දෙක මම මෙම බ්ලොග් පිටුවට සටහන් කිරීමට සිතුවෙමි.

(01) "වණ්ණ ගන්ධ ගුනොපේත0
         එත0 කුසුම සන්තති0
         පුජයාමි මුනින්දස්ස 
         සිරීපාද සරෝරුහෙ"

 වර්ණයෙන් හා සුවදින් යුක්තවූ මේ මල් රාශිය බුදුරජාණන් වහන්සේ ගේ ශ්‍රී පාද       පද්මයෙහි පුජා කරමි.

(02) "පුජෙමි බුද්ධ0 කුසුමෙනනෙන 
         පුඤ්ඤන මෙතෙන ලභාමි මොක්ඛ0
         පුප්ඵ0 මිලායති යථා ඉධම්මේ 
         කයෝ තථයාති විනසභව0"

මේ කුසුමින් බුදුන් පුදමි. ඒ පිනෙන් නිවන් ලබම්වා. යම්සේ මල් මැලවේද, එසේම මගේ සිරුරද වැනසෙයි.

කියවන්නට මෙහි පවත්නා සත්‍යතාවය තහවුරු කිරීමට, සම්මත අධ්‍යාපනික නිර්දේෂිත "ආශ්‍රිත ග්‍රන්ථ" දක්වන ක්‍රමයෙන් ඉවත්වී මම මෙසේ අදාල පොත ගැන ලියා තැබීමට කැමැත්තෙමි.

ඉහත පාලි ගාථා දෙක මා සොයා ගත්තේ "ශ්‍රී ලංකා බෞද්ධ සංස්කෘතික මධ්‍යස්ථානය" විසින් ප්‍රකාශිත "සෙත් පිරිත් සහ වන්දනා ගාථා" කෘතියේනි.

මෙම පොත සම්පාදනය කරන ලද්දේ පණ්ඩිත අත්තුඩාවේ රාහුල ස්ථවිර විසිනි. මෙය මිල අයකිරීමකින් තොරව බෙදා හරින ලද මුද්‍රිත පොතකි. 

අදාල ගාථා දෙක (02) ඇතුලත් වන්නේ පිටු 53 හා 54 තුලයි.

මෙම ඉහත කි ගාථා 02 ක ඕනෑම බුද්ධ ධර්මය ට අනුව ජීවත් වන පුද්ගලයකු බුද්ධ වන්දනාවේදී භාවිතා කිරීම සිදු කරයි.

එමනිසා එම ගාථා මෙම කෘතියට ඇතුලත් කිරීම මගින් මෙම පොතෙහි අගය තවත් ඉහළ දැමීමට හැකියාව තිබුණ ඇතැයි මට පෞද්ගලිකව සිතේ.