බුදුන්ගේ රස්තියාදුව - කේ. කේ. ශ්‍රීනාත් : කාලය, මුදල් හා මනස කා දමන පොතකි.

පිටු 249ක් වන මෙම 'පුස් ' ආන්දෝලනාත්මක කෘතිය රු. 500 කි.

මෙම පොතේ කවරය සහ නව කතාවේ නම දකින විටම එහි අලවියටම බිහිවූ බවක් පෙනේ.

එමනිසා හොඳ සාහිත්‍ය පාඨකයකුගේ යුතුකමක් මෙන්ම සාහිත්‍යට ආදරය කරන රසිකයකුගේ වගකීම වන්නේ මෙවන් විකාර රුපි පොත් ගැන සමාජය හා සහෘද පාඨක පිරිස් දැනුවත් කිරීමයි.

තාත්වික කථා කලාවෙන් බැහැරවී අධි තාත්වික කථා සම්ප්‍රදායකින් ලියා ඇති මෙම කුණුහරුපය, මානසික රෝගියකුගේ පපොච්චාරණයකි.

කථාව ගලා යන්නේ යථාර්තය සමග නොව වේදිකා නාට්‍යයක ස්වරූපයෙනි. චරිත කිහිපයකි. ඉතාම පහත් හා තුප්පහි විහිළු තහළු මෙම නව කතාවේ ඇතුලත් වේ. 

එම විහිළු, බුදු සිරිත සහ ඇඳා ගැනීම සිත තරමක් ව්‍යාකුල කරවන තත්ත්වයකි.

කථා නායකයා තරමක් ව්‍යාකුල මනසක් ඇති මිනිසෙකි. 

නමුත් හුදු පෞද්ගලික දුර්වලතා වලට සමාජයේ පවත්නා ආගමික හා සංස්කෘතික සාධක ඇඳා ගැනීම, තම මෝඩකම පෙන්වන්නකි. 

කතුවරයාට එම සාධකය (කථා නායකයාගේ ව්‍යාකුල මනස සහ ජීවිතය) නිරුපණයට මෙම බාහිර පරිසර (බුද්ධ දර්ශණය හා ශ්‍රී ලාංකීය සංස්කෘතිය) අවශ්‍යය වුයේද යන්න, පාඨකයාට විටෙක මානසිකව පසක් වේ.

තරමක් වියරුවෙන්ද, තරමක් මනෝ මුලික භාෂා හැසිරවිමකින් ආගමික ශාස්තෘවරයකු නිර්ධය ලෙස විවේචනය මහා පිස්සුවකි.

මෙහි කතුවරයා වන කේ. කේ. ශ්‍රීනාත් ගැන කිසිවක් සටහන් නොවීමත්, කතුවරයාගේ පොත තුළ ඉතාමත් සංකිර්ණ ආත්මාර්ථකාමී මනොමුලික බවක් දක්නට ලැබීම සිංහල හා දේශීය සාහිත්‍යයේ අනාගතය ගැන බියක් ඇති කරයි.

විටෙක කේ. කේ. ශ්‍රීනාත් යනු නුතන ශ්‍රී ලාංකීය සමාජයේ සිංහල සාහිත්‍ය තුළ සැරිසරන මනෝ ව්‍යාධිකයකු ද යැයි හැඟෙ.

එමනිසා 'ගුණාත්මක නිර්මාණය' කියන සාධකයට අවධානය යොමු කිරීම වැදගත්ය.

අන්‍ය ආගමිකයන් මෙවන් කෘති, තම ආගම ගැන නොලියන බවත්, මෙමගින් තම සාහිත්‍ය තුළින් තම සංස්කෘතියේ 'වල' කපා ගැනීමක් මෙහි දැකිය හැකිය.

ප්‍රධාන සාහිත්‍යය දරාවෙන් පිට පෙන 'වීරයන්' වීමට ලියන මෙම පොත් මගින් බිහිවන මෙවන් අතුරු ඵල වන් සාහිත්‍යය නිර්මාණ සමාජ කුෂ්ට, දද හා පිළිල මෙන්ය.

මේවා දකින විටද පවත්නා ක්‍රමය තුළ ඇති 'කල කිරීම' ඉහළ යයි. 

නමුත් සිංහල සාහිත්‍යයට මිනිසුන් නැවත යොමු කරවීමට ගත් මෙම උත්සාහයට ගරු කරමි.

මෙවැනි පොත් වලට කාලය නාස්ති නොකරන්න.

සෑම වසරකම නිර්දේශිත 'ස්වර්ණ පුස්තක', 'රජත පුස්තක' හා 'රාජ්‍ය සම්මාන' පොත් ඔබට හැකි පරිදි කියවන්න.

මෙවන් මනෝ මුලික, පිස්සු පොත් මග හරින්න.

වාසනාවකට මෙම පොත අන්තර්ජාලය PDF ලෙස පැතිර යාම තුලින් තරමක් හෝ දුරට කුණු ඕජස  සමාජය තුළ පැතිරයාම පාලනයට හැකි විය. 

තවත් විස්තර මෙම පහත විචාරය තුළ දක්නට ලැබේ.

http://3mana.com/%E0%B6%BB%E0%B7%83%E0%B7%8A%E0%B6%AD%E0%B7%92%E0%B6%BA%E0%B7%8F%E0%B6%AF%E0%B7%94-%E0%B7%83%E0%B7%92%E0%B6%B8%E0%B7%92%E0%B6%BA%E0%B7%94%E0%B6%BD%E0%B7%9A%E0%B6%9A%E0%B7%8A%E2%80%8D%E0%B6%BB%E0%B6%B8/